Bydd Aelod y Cabinet dros Gyllid ac Adnoddau, y Cyng. Rob Stewart, yn ymddangos gerbron Pwyllgor y Rhaglen Graffu ar 20 Ionawr am sesiwn holi ac ateb.
Cllr Rob Stewart
Bydd y pwyllgor yn archwilio’r gwaith y mae wedi’i wneud yn ei rôl, gan ystyried blaenoriaethau, camau gweithredu, cyflawniadau ac effaith. Byddent yn croesawu’ch syniadau am gwestiynau.
Mae’r portffolio Cyllid ac Adnoddau’n cynnwys y meysydd canlynol o gyfrifoldeb:
- Strategaeth a Rheolaeth Ariannol
- Datblygu’r Gweithlu
- Cyflog a Graddio
- Technoleg Gwybodaeth
- Cyfreithiol a Chaffael
- Rheoli Asedau (gan gynnwys gwaredu)
Oes rhywbeth rydych chi’n meddwl y dylai’r pwyllgor ei ofyn iddo? Bydd y pwyllgor yn ystyried cwestiynau a geir erbyn 20 Ionawr wrth lunio’i strategaeth holi a gofynnir y cwestiynau allweddol i’r Cynghorydd Stewart.
Rhowch eich syniadau i ni trwy ychwanegu sylw at y post hwn, trwy e-bostio scrutiny@swansea.gov.uk neu ein trydar @swanseascrutiny.
Cynhelir cyfarfod y pwyllgor ddydd Llun 20 Ionawr am 4.30pm yn Ystafell Bwyllgor 2 yn y Ganolfan Ddinesig, Abertawe ac mae croeso i aelodau’r cyhoedd ddod iddo.
Os nad oes gennych gwestiwn penodol i’r Cyng. Stewart, ond mae gennych farn am gyllideb y cyngor, cewch ddweud eich dweud – mae dogfennau’r ymgynghoriad i’w gweld yma.
Leave a Comment